你可以隨時喺ZA Bank App查看你嘅每日轉賬限額。喺轉賬限額界面，你可以見到你嘅賬戶設有 4 類轉賬限額：

本人賬戶轉賬限額

• 當你轉賬去你本人其他香港銀行/機構賬戶時會用呢個限額，當日累計唔可以超過呢個數。

• 由其他銀行同名賬戶發出嘅電子直接付款指示（eDDA）都會計入呢個限額。

溫馨提示

• 如果想被系統識別為本人賬戶轉賬，你必須透過轉數快用手機號碼/電郵地址轉出

• 而且另一間銀行登記嘅姓名同手機號碼，必須同你喺ZA Bank登記嘅資料完全一致先得。

登記收款人轉賬限額

• 當你轉賬去已登記收款人（包括本地或海外收款人）時會用呢個限額，當日累計唔可以超過。

• 由商戶或機構（例如證券公司或公用事業）發出嘅電子直接付款指示（eDDA）都會計入呢個限額。

未登記收款人轉賬及海外匯款限額

• 當你轉賬去未登記收款人（包括未登記嘅海外收款人）時會用呢個限額，當日累計唔可以超過呢個限額。

小額轉賬免驗證限額

當日轉去未登記收款人嘅金額細過或等於呢個限額，就唔需要做二次安全驗證。

你可以隨時打開 ZA Bank App，輕鬆查詢你嘅最高轉出限額，都可以以下附圖可以作為參考：